Anoetaldeko Hitza » Anoeta

Sendabelarretarako ikastaroa, ostegunetan

Tolosaldeko eta Leitzaldeko Hitza — Wed, 15 Feb 2012 06:43:17 +0000

Udalak sendabelarren ikastaroa antolatu du otsailaren 23tik martxoaren 29ra. Amaia Bastarrika izango da irakaslea, eta ikastaroak ostegunetan izango dira, 17:00etatik 19:00etara. Guztira sei klase emango ditu Bastarrikak. Izena emateko azken eguna hilaren 17a, etzi, izango da. Goizez udaletxera joan beharko da, eta arratsaldez liburutegira edo kiroldegira. Matrikula egin nahi duenak 50 euro ordaindu beharko ditu. Murrizpenak ere egongo dira: familia ugaria, langabetua, ikaslea, pentsioduna edo 60 urtetik gorakoek %25 gutxiago ordaindu beharko dute, eta gazte txartelarekin %10 jaitsiko da matrikulazioa.

Guardia Zibila Gaztetxearen atarian

Tolosaldeko eta Leitzaldeko Hitza — Tue, 14 Feb 2012 14:30:32 +0000

Gazte Asanbladatik azaldu dutenez, aurreko asteartean, otsailaren 7an, Guardia Zibilaren hiru auto (guztira 12 bat Guardia Zibil) joan ziren Anoetako Gaztetxe atarira. Bertan 30 minutu inguru egon zirela azaldu dute, Gaztetxera zein alboko musika lokaletara zihoazenei identifikazioa eskatuz, eta motxilak eta kotxeak miatuz. Horrez gain, Gaztetxe ingurua eta terraza arakatzen aritu zirela esan dute; «guztia inolako azalpenik eman gabe». Gazte Asanbladako kideek gertaera salatu nahi izan dute, «probokazio eta eraso bat dela uste dugulako; horrelako ekintzekin gazteak beldurtzea lortu nahi badute, jakin dezatela gurekin jai dutela, eta tinko jarraituko dugula gure helburuak lortzeko bidean».

Dantza Soka Eguna ospatzen ari dira Anoetan

Anoetaldeko Hitza — Sat, 11 Feb 2012 17:09:53 +0000

Goizean goiz hasi dute eguna dantzariek. Baserrietara musika eta dantza eraman dituzte, eta ondoren, plazan elkartu dira guztiak. Plaza dantzariz bete dute, eta ikusten zeuden hainbat mutil ere, plaza jaitsi dituzte beraiekin dantza egiteko.

Bazkariaren ostean, poteoa egingo dute herriko trikitilariekin. Musika, dantza eta talorik ez da faltako. Itzel taldea izango da 19:00etatik aurrera.

Sokaren bueltan dantzan ospatuko dute eguna, bihar

Anoetaldeko Hitza — Fri, 10 Feb 2012 06:45:58 +0000

Bihar, hilak 11, Dantza-soka eguna ospatuko dute, Anoetan. Urtero bezala, kaldereroetan ospatzen dute herriko jai hau. Hogeita hamar urtez galdutako festa hau, 2003. urtean berreskuratu zuten, eta harrez gero urtero ospatzen dute. Iaz lehen aldiz, dantza goizez bakarrik egitea erabaki zuten, eta aurten ere horrela egingo dute.

Iazko Dantza-soka eguneko irudia

Egunari hasiera goizean goiz emango diote. 08:30ean dute hitzordua, eta guztiak herriko plazan elkartu ostean, baserriz baserri ibiliko dira dantza, musika eta umore ona zabalduaz. Behin landa gunea pasa ondoren, 12:30ean, berriz, herriko plazan elkartuko dira. Baserriz baserri ibilitako taldeaz gain, herritarrez beteko da plaza. Txistu doinuei jarraituz, sokaren bueltan egingo dute dantza. Aurten, herriko neskak izango dira protagonista, eta beraiek dantzatuko dute.
Behin dantza saioa bukatuta, eta ohiturari jarraituz 14:00etan, babarrun jatea egingo dute Kuku elkartean. Behin tripa bapo bete eta indarrak hartuta, kalejirari ekingo diote, poteoan ibiltzeko. Horretarako, herriko trikitilariak izango dituzte lagun.
Ondoren, Anoetako dantza taldeko gaztetxoen txanda izango da. Beraien emanaldia eskainiko dute, plazan. 19:00etan, erromeria izango da Itzel taldearekin. Antolatzaileek jakinarazi dute, taloak egongo dira hurbiltzen diren guztientzat.
Iaz euripean busti-busti eginda egin behar izan zuten dantza, ea aurtengoan euriak festa ez duen zapuzten. Eguraldi hotzak jarraitzen badu ere, txistuaren erritmora dantza eginez tenperatura baxuei aurre egingo diote anoetarrek.

Dantza-soka eguna

Hilak 11, bihar
08:30. Plazan elkartuko dira baserrietara joateko.
12:30. Plazan egingo dute dantza. Aurten nesken txanda izango da.
14:00. Babarrun jatea egingo dute, Kuku elkartean.
18:00. Kalejira eta poteoa egingo dituzte herriko trikitilariekin.
Ondoren. Anoetako dantza taldeko gaztetxoek, beraien emanaldia eskainiko dute, herriko plazan.
19:00. Erromeria Itzel taldearekin izango da.
Oharra. Aurten ere, taloak egongo dira gerturatzen diren guztientzat.

Anoetan Dantza-soka eguna ospatuko dute, larunbatean

Anoetaldeko Hitza — Thu, 09 Feb 2012 12:20:01 +0000

Larunbatean, hilak 11, Dantza-soka eguna ospatuko dute, Anoetan. Urtero bezala, kaldereroetan ospatzen dute herriko jai hau. Hogeita hamar urtez galduta egon zen festa hau, 2003. urtean berreskuratu zuten. Iaz lehen aldiz, dantza goizez bakarrik egitea erabaki zuten, eta aurten ere horrela egingo dute.
Egunari hasiera goizean goiz emango diote. 08:30ean dute hitzordua, eta guztiak herriko plazan elkartu ostean, baserriz baserri ibiliko dira. 12:30ean, berriz, herriko plazan elkartuko dira. Aurten nesken txanda izango da, eta txistu doinuei jarraituz, sokaren bueltan dantzan ibiliko dira. Bazkariaren ostean, arratsaldean ere ez da girorik eta festarako gogorik faltako Anoetan.

Dantza-soka eguna

Hilak 11, larunbata
08:30. Plazan elkartuko dira baserrietara joateko.
12:30. Plazan egingo dute dantza. Aurten nesken txanda izango da.
14:00. Babarrun jatea egingo dute, Kuku elkartean.
18:00. Kalejira eta poteoa egingo dituzte herriko trikitilariekin.
Ondoren. Anoetako dantza taldeko gaztetxoek, beraien emanaldia eskainiko dute, herriko plazan.
19:00. Erromeria Itzel taldearekin izango da.
Oharra. Aurten ere, taloak egongo dira gerturatzen diren guztientzat.

Anoetarrek Santa Ageda bezperan biltzen duten dirua Lodosako ikastolara bidaliko dute

Anoetaldeko Hitza — Fri, 03 Feb 2012 14:12:34 +0000

Anoetar talde batek usadio zaharrei eutsi asmoz, Santa Ageda bezperan kantuan aterako dira, beti ere, eguraldiak laguntzen badu. Jasotzen duten dirua Lodosako ikastolara bidaliko dute. “Herritar guztiei dei egiten diegu gurekin batera etor daitezen”, esan dute.

Dantza-Soka egunerako entsegu orokorrak deitu dituzte

Anoetaldeko Hitza — Thu, 02 Feb 2012 04:10:56 +0000

Dantza-Soka Eguna hilaren 11ean ospatuko dute, Anoetan. Entsegu orokorrak egiten ari dira, eta bihar, 19:30ean, eta asteazkenean, hilak 8, 19:00etan frontoian izango dira. Garrantzitsua dela entsegu orokorretan parte hartzea, eta Dantza-Sokan parte hartu nahi dutenei dei egiten zaie bertara joateko.

Parte hartzeko zerrendak Itzuli tabernan daude jarrita, eta apuntatzeko epea hilaren 5a arte da.

Agate Deuna bezperan kantuan ateratzeko entsegua egingo dute, bihar

Tolosaldeko eta Leitzaldeko Hitza — Mon, 30 Jan 2012 12:27:19 +0000

Anoetako herritar talde batek, herritar guztiak animatu nahi ditu Agate Deuna bezperan kantuan ateratzera. Ohitura zahar honek bizirik iraun dezan, datorren larunbatean, otsailak 4, 15:30ean Anoetako plazan elkartuko dira. Lehenik, baserrietara joango dira, eta ondoren, 18:00etan, Anoetako plazatik kalez kale ibiliko dira kantuan.

Aldez aurretik, eta guztia behar bezala atera dadin, bihar, hilak 31, entsegua egingo dute. Mikelasagasti auditoriumean egingo dute, 18:30ean elkartuko dira.

EUSKAL HERRIAN OHITURA ZAHARRAK
BIZIRIK IRAUN DEZATEN,
HERRITAR TALDE BAT BILTZEN GARA
SANTA AGEDA KANTATZEN.

ANOETARRAK OHITURA ZAHAR HAU
BIZIKI DUGU MAITATZEN,
BASERRI ETA KALEETAN ZEHAR
BERTSOAZ DUGU GOZATZEN.

ZATOZTE HERRITARRAK KALERA,
KANTA DEZAGUN GAUR OZEN,
HERRI HONETAN OHITURA ONAK
EZ DITUGULAKO GALTZEN.

Su-Berrik Euskal Herriko Txapelketa irabazi du

Tolosaldeko eta Leitzaldeko Hitza — Wed, 25 Jan 2012 05:05:41 +0000

Anoetako Su-Berri elkarteko pilotariek Euskal Herriko Txapelketa irabazi dute, ezker hormako modalitatean. Alegiako Ainhoa Garmendia, Lizartzako Nagore Arozena eta Anoetako Maider Mendizabalek osatu dute Su-Berriko taldea, eta finalean Hernanikoen aurka aritu ziren. Orain, Kutxa Saria jokatzen hasiko dira Mendizabal eta Arozena, eta Garmendiak, lehia honen barruan aurten lehen aldiz antolatu den promozio txapelketan hartuko du parte.

Anoetarrek ez dute geldirik egoteko aitzakiarik

Tolosaldeko eta Leitzaldeko Hitza — Fri, 20 Jan 2012 07:40:36 +0000

Anoetako herritarren jakituria areagotzeko aukerak ez ziren 2011n amaitu. Urte berria, arlo horretan, indartsu hasi dute, eta udalaren laguntzarekin hiru ekimenetan parte hartzeko aukera dute ondorengo egunetan. Gaiak ondorengoa dira: Dantza-soka, margoketa dekoratiboa eta Qi-Gongo eta automasajea. Entsagua, ikastaroa eta tailerrak geldirik egoteko aitzakia guztiak uxatu dizkie anoetarrei.
Otsailaren 11n, larunbata, Anoetan Dantza-Soka Eguna ospatuko dute. Axeri dantza eta fandango nahiz arin-arina lantzeko, entseguak antolatu dituzte bihar eta hilaren 27an. Bi ostiral hauetan 19:30ean elkartuko dira frontoian. Entsegu orokorrak, aldiz, otsailaren 3an eta 8an egingo dute frontoian: Lehena 19:30ean, eta bigarrena 19:00etan.
Antolatzaileen esanetan, oso garrantzitsua da entsegu orokorretara azaltzea. Parte hartzeko zerrendak, bestalde, Itzuli tabernan jarri dituzte. Bertan, DBH2tik gorakoek eman dezakete izena.
Margoketa dekoratiboari buruzko ikastaroa Kutxak antolatu du, Hozpel kaleko udal lokaletan. Urte osoan, guztira 48 orduko ikastaroa izango da: otsaila-maiatza eta urria-abendua artean banatuta, eta ostegunetan, 15:15etik 17:15era. Izena emateko epea asteazkenean zabaldu zen, eta hilaren 25a bitarte egongo da irekita. 151 euro ordaindu behar dira matrikula, materiala aparte. Ikastaroan parte hartu nahi duenak www.kutxasocial.com helbidera idatzi behar du, edo 902 54 00 40 telefonora deitu. Ikastaroaren lehen eguna otsailaren 9an izango da.
Qi-Gong tailerra
Automasaje eta Qi-Gong tailerra bereziki pre eta post menopausian dauden emakumeentzat prestatu dute, eta aurkezpen saioa doakoa izango da, hilaren 27an, 18:00etatik 20:00etara kiroldegian. Partaideek hala nahi izanez gero, jarraipena emango zaio inauterien ondoren. Izen ematea udaletxean, liburutegian eta kiroldegian egin daiteke, hilaren 25a arte.
Qi-Gong teknika medikuntza txinatarretik dator, eta 5.000 urte baino gehiago izan arren, udaletik azaldu dutenez, «gaurkotasun handia du, jakinduria handia izateaz gain, bizitzako erritmoa duelako oinarri».
Asiatik datorren teknika hau onuragarria zertarako den galdetuta, emakumeen fisiologia aipatzen da udaletik zabaldu duten informazioan: «Emakumeok fisiologia berezia daukagu, haurrak sortzeko eta zikloetara lotua: haurdunaldiak, hilerokoak, menopausia, eta abar. Hortaz, Qi-Gong lagungarria izan daiteke guretzat honetarako: Alde batetik, emetasuna oinarri hartuz, gure burua hobeto ezagutu, indartu, sendotu, sendatu, berritu eta lasaitzeko, eta bestetik, hezurrak indartzen eta bularreko eta umetokiko gaixotasunei aurre egiten laguntzeko. Osasuna, ongizatea eta bizitza luzeagoa eta lasaiagoa lortuz».
Qi-Gong eta automasaje tailerretan parte hartzera gonbidatu dituzte herritarrak Anoetako Udaletik, «anima zaitez zure burua hobeto ezagutzera eta bizitzan sakontzera» lelopean. Horrekin batera, tailerrera arropa erosoarekin joateko gomendioa egin dute, teknika hau arazorik gabe lantzeko.