0-4 urte bitarteko haurrentzat ipuin kontalaria egongo da etzi, hilaren 17an, liburutegian. 17:00etan hasiko da saioa, eta behin hasi ondoren, ezingo da barnara sartu.

Anoetako Udalak azken urteetako bideari jarraitu nahi diola azaldu du, eta “herrian auzolan filosofiari indarra ematen” ahaleginduko da, “herriaren ondare direnak txukun mantentzen saiatuz”. Aurten ere, auzolan filosofia horrekin jarraitu nahi dute eta hau gauzatzeko plangintza bat osatzen ari dira. Hasteko, Ateagako karobia eta Ateaga- Etxeberriko askaren garbiketa egiteko asmoa dute.

Horregatik, martxoaren 31an, larunbatean, 10:00etan herritar orori gonbita luzatu diote Ingurumen batzordetik, auzolanean eta lagun artean herriaren bi ondare hauek txukuntzera.

Jai batzordeak herriko festak antolatzeko bilera deialdia luzatu du, eta Anoetako elkarte eta herritar guztiei parte hartzeko eskatu die. Batzarra hilaren 28an, asteazkenean, egingo dute udaletxean 19:00etan.

Euskal Herrian eginiko hainbat garagardo mota dastatzeko aukera izango da urriaren 29an, Anoetako Gaztetxean. Izan ere, Anoetako Gazte Asanbladak estreinako Urrifest gaua antolatu du, garagardoa oinarri duen festa.
Arratsaldean, zazpiak aldera emango diote hasiera festari, Anoetako Gaztetxean. 21:00etan, mahaiaren buelatn eseriko dira denak, alemaniar erako afariaz gozatzeko. Afaria amaituta ere, garagardo bereziak dastatzen jarraitzeko parada izango dute. Eta, hori guztia, musikaz giroturik, Besteikpe eta Itzel taldeek zuzeneko emanaldia eskainiko baitute.
Anoetako Gaztetxeak festa honetan parte hartzeko deia luzatzen die herritar orori. Hori bai, gerturatu nahi dutenei, pitxerra etxetik eramatea eskatzen diete.

Ostiralean, hilaren 4ean, Anoetako Gaztetxean kontzertua izango da. Kasu honetan, Lauroba eta Oreindik taldeak izango dira taula gainean. 23:00etan hasiko da eta sarrera 4 euro ordaindu beharko da.