Urtero bezala, Irurako ikastolak Garagardo Azoka antolatu du astebururako. Bihar ostirala, 18:00etan zabalduko ditu ateak, eta hortik aurrera garagardoa, saltxitxak, ukondoa edo euskal pastela dastatzeko aukera izango da. Bihartik igandera bitarte izango da azoka eta hiru egunetan 18:00etan zabalduko ditu ateak, ixteko ordurik ez dute jarri.

Gaurko egun guztia antolatzen pasa dute, eta aurtengoa aurkezteko aprobetxatu dute. Bertan izan dira ikastolako eta udaleko ordezkariak, baita antolatzen eta laguntzen ari diren gurasoak, eta guraso eta ikasle ohiak.
Era batera edo bestera, «laguntzaile asko» dituztela gogoratu dute ikastolako langileek. Urtero arrakasta izugarria izaten duela gogoratu dute, Irurako amonek preparatzen dute bakailaoa tomatearekin, eta eskerrak eman nahi izan dizkiete.
Ikasleek urtero bezala, beraiek egindako pitxiak saltzeko postua jarriko dute.
Edateko 17 garagardo jarri dituzte; horiak, tostatuak eta beltzak. Botilan ateratzen direnak 2,5 euro, eta gainerakoak 3 euro ordaindu beharko dira. Jatekoen artean, ukondoa 9 euro, bakailaoa tometearekin 5,5 euro, saltxitxak eta kroketan 2,5 eurotan eta Irurako txistorra 2 euro ordainduko da. Irurako pasteltxoak, euskal pastela eta gazta eta irasagarra 3 euroren truke izango da. Pitxarra, freskagarriak eta kafea euro baten truke jarri dituzte Azokaren arduradunek.
Antolatzaileek nahi duen guztia Irurako frontoira gerturatzera gonbidatu dute.

Irurako Garagardo Azoka
Uztailak 1, 2 eta 3
17 garagardo. Kronenbourg 1664, Warsteiner Premium Verum, König Ludwig Weissbier, Foster’s, Newcastle Brown, XV Selecta San Miguel, San Miguel Sin, Clara San Miguel, Murphy’s, Guinness, Grimbergen Dubble, Grimbergen Blonde, Affligem tostatua, Affligem Blonde, Paulaner Berezkoa, Paulaner HW Artoa eta Paulaner Salvator.
Horiak. 12 garagardo izango dira.
Tostatuak. Hiru garagardoa izango dira.
Beltzak. Bi garagardo.
Prezioak. Iazko berak mantendu dituzte. Kaña 3 euro eta botila 2,5 euro. Pitxarra, freskagarriak eta kafea euro bat.
Jatekoak. Ukondoa, bakailaoa tomatearekin, saltxitxa (frankfurt edo bratwurst), kroketak, Irurako txistorra, Irurako pasteltxoak, euskal pastela eta gazta eta irasagarra.
Ordutegia. 18:00etatik aurrera, itxi arte.

Etiketak: azoka, Garagardoa, hezkuntza, Ikastola, irura